म्याद नथपिँदा पाएनन् पुर्जा, समितिको म्याद थप्ने विषयमा सरकार निर्णय विहीन
काठमाडौँ, २८ पौष । राजापुर नगरपालिकामा बहाल विटौरी समितिको म्याद थप नभएका कारण यहाँका २ सय ८० जग्गाधनी पुर्जा पाउनबाट वञ्चित भएका छन् ।
३ वर्षअघि समितिले वास्तविक जग्गाधनीलाई पुर्जा वितरण गर्न टोली खटाएको थियो । जग्गाधनी पुर्जा पाउँ भनी निवेदन दिएकामध्ये ४ सय ३८ जनाको वास्तविकता पहिचान गरी १ सय ५८ जनालाई पुर्जा वितरण गरिएको थियो ।
समितिको म्याद सकिएपछि पुर्जा वितरण रोकिएको हो । झन्डै ७६ वर्षदेखि राजापुर नगरपालिकाको मुख्य बजार क्षेत्रमा सबैभन्दा बढी पुर्जाविहीन बस्दै आएका छन् ।
१ सय २५ गैरनागरिकले झूटो विवरण दिई नेपाली नागरिकता प्राप्त गरेको भन्दै स्थानीयले जिल्ला प्रशासन कार्यालय र अख्तियारमा मुद्दा दिएपछि उनीहरूलाई जग्गाधनी पुर्जा वितरण रोकिएको थियो ।
स्थानीयले समितिको म्याद थप्न माग गरे पनि दुई वर्ष बितिसक्दा पनि सरकारले निर्णय गर्न सकेको छैन ।
सम्बन्धित समाचार
शीर्षकहर
थप
