सुमो दुर्घटनामा १ जनाको मृत्यु, ९ घाइते
काठमाडौँ, २७ भदौ । टाटा सुमो जिप दुर्घटना हुँदा एक जनाको मृत्यु भएको छ ।
आज दिउँसो मानेभञ्ज्याङ गाउँपालिका– ६ मितेरीभञ्ज्याङमा बा११च ५२१० नम्बरको टाटा सुमो दुर्घटना हुँदा बारा घर भएका करिब ४० वर्षीय पृथ्वीबहादुर श्रेष्ठको घटनास्थलमै मृत्यु भएको हो ।
सो दुर्घटनामा ९ जना घाइते भएको छ । घाइते मध्ये ४ जनाको अवस्था गम्भीर रहेको प्रहरीले जनाएको छ । घाइतेको उदयपुरको घुर्मीमा उपचार भइरहेको छ ।
सिद्धिचरण नगरपालिकाको निशङ्खे हुँदै मानेभञ्ज्याङ–१ मोलीको बाटो भएर काठमाडौँका लागि छुटेको सुमोमा १० व्यक्ति सवार थिए ।
सम्बन्धित समाचार
शीर्षकहर
थप
