दैलेखमा मलेरियाका ९ बिरामी भेटिए
दैलेख, २८ माघ । दैलेखका नौ जनामा मलेरिया बिरामी भेटिएका छन् । रोजगारीका लागि पैसा कमाउन भारत गएका मानिसमा लामखुट्टेबाट सर्ने मलेरिया रोग देखापरेको बताइएको छ ।
मलेरिया रोगबाट पाँच वर्षीय बालकसमेत पीडित रहेको जनाइएको छ। बालकको जिल्लामा उपचार हुन नसकेपछि कान्ति बाल अस्पताल काठमाडौँमा उपचारका क्रममा मलेरिया भएको पत्ता लागेको हो ।
मलेरियाका बिरामी दैलेख क्षेत्र–२ को दुल्लु नगरपालिका, आठबिस नगरपालिका, क्षेत्र नं १ को महावु गाउँपालिका र डुङ्गेश्वर गाउँपालिकाबाट भेटिएको हो । अन्य पाँच जनाको जिल्ला बाहिर उपचारका क्रममा मलेरिया भेटिएको जिल्ला अस्पतालले जनाएको छ ।
मलेरिया रोग अन्यत्र सर्न नदिनका लागि सतर्कता अपनाइएको स्वास्थ्य सेवा कार्यालयले जनाएको छ ।
सम्बन्धित समाचार
शीर्षकहर
थप
