कोरोना भाइरसको सङ्क्रमण रोकथाम गर्न सरकारद्वारा तीन वटा समिति गठन
काठमाडौं, १८ माघ । कोरोना भाइरसको सङ्क्रमण रोकथामका लागि सरकारले तीन वटा समिति गठन गरेको छ । विश्वमा कोरोना भाइरसको सङ्क्रमण बढ्दै गएपछि स्वास्थ्य तथा जनसङ्ख्या मन्त्रालयले रोकथामका लागि तीन वटा समिति गठन गरेको मन्त्रालयले जनाएको छ ।
स्वास्थ्य तथा जनसङ्ख्यामन्त्री भानुभक्त ढकालको अध्यक्षतामा उच्चस्तरीय अनुगमन समिति, स्वास्थ्य सचिव खगराज बरालको अध्यक्षतामा निर्देशक समिति र गुणस्तर मापन तथा नियमन महाशाखा प्रमुख डा दीपेन्द्ररमण श्रेष्ठको अध्यक्षतामा स्वास्थ्य प्राविधिक समिति गठन भएको हो । सदस्यहरूमा सबै मन्त्रालयका सचिव तथा महाशाखा प्रमुख हुनेछन् ।
समितिमा मन्त्रालयका तीनै विभागका महानिर्देशक, सबै महाशाखाका निर्देशक, टेकु अस्पतालका निर्देशक, स्वास्थ्यअन्तर्गतका सबै परिषद्का अध्यक्षहरु पदेन सदस्य तोकिएको छ ।
सम्बन्धित समाचार
शीर्षकहर
थप
