२० दिनको बिदापछि सर्वोच्च फर्किइन् सपना
काठमाडौँ, जेष्ठ २५ । वरिष्ठ न्यायाधीश सपना प्रधान मल्ल २० दिनको लामो बिदापछि सर्वोच्च अदालत फर्केकी छन् । सोमबार मल्लको इजलास तोकिएको छ ।
वरीयताक्रममा चौथो नम्बरमा रहेका मनोजकुमार शर्मालाई प्रधानन्यायाधीश बनाएपछि मल्ल बिदा बसेकी थिइन् । मल्लको एकल इजलासमा ७ थान निवेदन पेशी तोकिएको छ।
रोलक्रमअनुसार प्रधानन्यायाधीश हुनुपर्नेमा संवैधानिक परिषद्ले शर्माको नाम सिफारिस गरेपछि मल्ल वरिष्ठ न्यायाधीशमै सीमित भएकी थिइन् ।
२०८३ वैशाख २४ गते प्रधानन्यायाधीशका लागि मल्ललाई छोडेर शर्माको नाम संवैधानिक परिषद्ले सिफारिस गरेको थियो। परिषद्का अध्यक्ष एवं प्रधानमन्त्री वालेन्द्र शाहको प्रस्तावमा शर्माको नाम सिफारिस गरिएको थियो ।
वैशाख ६ गते नियुक्त भएका शर्मालाई बधाई दिएर मल्ल २० दिन बिदामा बसेकी थिइन् ।
सम्बन्धित समाचार
शीर्षकहर
थप
