बजारमा खाना पकाउने ग्यास पर्याप्त छ : वाणिज्य विभाग
काठमाडौँ । यतिबेला बजारमा ग्यास अभाव भएको गुनासो आएको छ । बजारमा ग्यास अभावको गुनासो आइरहँदा नेपाल आयल निगमले ग्यास अभाव नरहेको जानकारी दिएको छ ।
जाडोमा ग्यासको खपत बढ्ने भएकाले माग बढेको, बजारमा हल्ला भएजस्तो ग्यास अभाव नरहेको साथै चुनावलाई लक्षित गर्दै ग्यास आयातको थप कोटा बढाएको जनाएको छ । बजारमा ग्यास अभावको गुनासो आएपछि सोमबार वाणिज्य आपूर्ति उपभोक्ता संरक्षण विभागले ग्यास उद्योगमा अनुगमन गरेको थियो ।
विभागले अनुगमनका क्रममा ग्यास पर्याप्त मात्रामा रहेको पाइएको जनाएको छ । विभागले बालाजुस्थित नेपाल ग्यास उद्योग, कलंकीस्थित साइबाबा ग्यास उद्योग, भक्तपुरको महाकाली ग्यास स्टोर्स र ग्यास एण्ड अक्सिजन ट्रेडर्समा अनुगमन गरेको थियो ।
सम्बन्धित समाचार
शीर्षकहर
थप
