महेन्द्रसिंह धोनी डोनाल्ड ट्रम्पसँग गल्फ खेल्दै
काठमाडौँ, भदौ २२ । भारतीय क्रिकेट टिमका पूर्वकप्तान महेन्द्रसिंह धोनीले अमेरिकाका पूर्वराष्ट्रपति डोनाल्ड ट्रम्पसँग गल्फ खेल्दै गरेको तस्बिर सार्वजनिक भएको छ।
युएस ओपन च्याम्पियनसिप अन्तर्गत कार्लोस अल्कारेज र अलेक्जेन्डर ज्वेरेभबीचको टेनिस खेल हेर्न धोनी अमेरिका पुगेका थिए।
खेलमा अल्कारेज ६-३, ६-२, ६-४ ले विजयी भएका थिए। खेल अवधिभर धोनी कोर्टमै थिए।
द इन्डियन एक्सप्रेसका अनुसार त्यसपछि धोनीलाई ट्रम्पले उनको गल्फकोर्ट ‘ट्रम्प नेसनल गल्फ कोर्ट, बेडमिनिस्टर’ मा गल्फ खेल्न बोलाएका थिए। कोर्टमा धोनीको स्वागत गरेका ट्रम्प आफैंले धोनीसँग गल्फ खेल्ने कार्यक्रम राखेका थिए।
बिहीबार धोनीले ट्रम्पसँग गल्फ खेलेको तस्बिर हितेश संघभीले आफ्नो इन्स्टाग्राममा सार्वजनिक गरेका हुन्।
सम्बन्धित समाचार
शीर्षकहर
थप
