कोशी सरकार गठनविरुद्धको रिटमा सुनुवाइ सुरू
काठमाडौं,८ साउन । कोशी प्रदेशका मुख्यमन्त्री उद्धव थापाको नियुक्तिविरुद्ध परेको रिटमा सर्वोच्चमा सुनुवाइ सुरु भएको छ ।
सर्वोच्चका न्यायाधीशद्धय सुष्मालता माथेमा र तिलप्रसाद श्रेष्ठको संयुक्त इजलासमा सुनुवाइ सुरु भएको हो ।
मुख्यमन्त्रीमा उद्धव थापालाई नियुक्त गर्दा माओवादी केन्द्रबाट निर्वाचित भएर दल त्याग गरेका सभामुख बाबुराम गौतमको हस्ताक्षर प्रयोग गरेपछि निवर्तमान मुख्यमन्त्री हिक्मतकुमार कार्की सर्वोच्चमा पुगेका थिए ।
सरकार गठनमा सभामुखलाई सहभागी गराउन नहुने भन्दै उद्धव थापाको नियुक्ति खारेज गरी संविधानको धारा १६८ को उपधारा ३ अनुसार आफुलाई मुख्यमन्त्रीमा नियुक्त गर्न परमादेश माग गर्दै कार्की गत असार २२ गते सर्वोच्च गएका थिए ।
सम्बन्धित समाचार
शीर्षकहर
थप
