एमालेबाहेक कुनै पार्टीसँग नीति र सोच छैन : ओली
काठमाडौँ, ३ असार । नेकपा एमालेका अध्यक्ष केपी शर्मा ओलीले देशका नीति एमालेले तय गर्ने दाबी गरेका छन् । ‘ ’
स्थानीय तह प्रमुख तथा उपप्रमुखका लागि राजधानीमा आयोजित प्रशिक्षण कार्यक्रममा उनले एमाले बाहेक अन्य दलहरुसँग कुनै पनि विषयमा नीति नभएको जिकिर गरे । ‘अन्य दलको राष्ट्रियताको विषयमा नीति के हो ? वैदेशिक सम्बन्धबारे नीति के हो ? वैदेशिक सहायता वा ऋणको सन्दर्भमा के हो ? ,’ओलीले प्रश्न गरे ।
अध्यक्ष ओलीले भने, ‘वैदेशिक सहायता र लगानीको सन्दर्भमा नीति के हो ? व्यापार नीति के हो ? छैन । हाम्रो नीतिमा टिका टिप्पणी गरेका छन् । ह्रस्व लेख्नु पर्नेमा दीर्घ लेख्यो, कमा दिनु पर्ने दिएन, फुलस्टप लगाउनु पर्ने लगाएन अनि यस्तो कुरा बनाउने हो । खासमा उनीसँग नीति पनि छैन । हामीले लिएको नीतिलाई कसरी असफल बनाउन सकिन्छ ? धाँजा कसरी फटाउन सकिन्छ ? त्यसलाई कसरी असफल बनाउने मात्रै नभएर विकृत रुपमा व्याख्या गर्न सकिन्छ त्यसमै लागेका छन् । ’
उनले आफूहरूले लिएको नीतिले वैकल्पिक राजनीतिक, आर्थिक र वैदेशिक सम्बन्धी नीति दिन सक्ने तर अन्यले तोडमोडर गरेर विकृत पार्ने गरेको बताए ।
सम्बन्धित समाचार
शीर्षकहर
थप
