रोल्पामा काँग्रेस–एमाले र माओवादी–समाजवादी गठबन्धन बिच झडप
काठमाडौँ, २२ वैशाख । रोल्पामा कांग्रेस–एमाले गठवन्धन र माओवादी–एकीकृत समाजवादी गठबन्धन वीच झडप भएको छ ।
झडपमा परि माडी गाउँपालिका वडा नं. ३ का कांग्रेस–एमाले गठबन्धनका उम्मेदवार मीनवहादुर डाँगी घाइते भएका छन ।
माडी गाउँपालिका वडा नं. ३ को चुनावी सभा सकेर फर्कने क्रममा दुई समूह बीच झडप भएको हो ।
वडाध्यक्षका उमेदवार डाँगीमाथि एकाएक आक्रमण भएको नेपाली कांग्रेसका नेता पशुपति घर्तीमगरले बताए । ‘टाउकामा चोट लागेका घाइते डाँगीलाई थप उपचारका लागी नेपालगञ्ज पठाएको छौं,’ घर्तीमगरले भने ।
तर माओवादी–एकीकृतसमाजवादी गठबन्धनले आफूहरुलाई कांग्रेस–एमाले गठबन्धनवाट आक्रमण भएकोले प्रतिवाद गरेको बताएको छ ।
प्रहरीले भने घटना सामान्य भएको वताएको छ ।
सम्बन्धित समाचार
शीर्षकहर
थप
