सिर्जना सिंहका सात सङ्कल्प
काठमाडौँ, १५ बैशाख । काठमाडौं महानगरपालिकामा गठबन्धनका तर्फबाट मेयर पदकी उमेदवार नेपाली काँग्रेसकी सिर्जना सिंहले आफ्नो चुनावी संकल्प प्रस्ताव सार्बजनिक गरेकी छन् ।
मेयर उम्मेदवार सिंहले आफुले विशेष रुपमा गृहणी महिलाको लागि काम गर्ने बताउदै आफ्ना सात ‘स’को संकल्प अगाडी सारेकी छन् ।
सुशासन आफ्नो पहिलो प्राथमिकता रहेको दाबी गर्दै उनले काठमाडौँ महानगरलाई भ्रष्टाचारमुक्त बनाउने संकल्प प्रस्तुत गरेकी हुन् । आफ्नो सबैभन्दा पहिलो काम महानगरपालिकालाई भ्रष्टाचारमुक्त बनाउने रहेको उनले बताइन् ।
यसका साथै काठमाडौँमा बारम्बार देखिने फोहोरको समस्यालाई पनि समाधान गर्न नयाँ अवधारणा सहित काम गर्ने उनले बताइन् । साथै काठमाडौँमा फुटपाथको व्यवस्थापन गर्दै हिड्नयोग्य शहर बनाउने र प्रदूषण नियन्त्रण गर्ने लगायन संकल्प उनले प्रस्तुत गरेकी छन् ।
सिंहले ७ वटा बुँदामा आफ्नो संकल्प प्रस्तुत गरेकी छन् । जसमा सेवा र सुशासन, स्वास्थ्य, शिक्षा तथा सामाजिक सुरक्षा, स्वच्छ र सफा सहर, दिगो पर्यटन, सहरी सुरक्षा, संस्कृति, सम्पदा र सभ्यता, सबल र समावेशी पूर्वाधार तथा स्वावलम्बी महिलालगायत विषयहरू समेटिएका छन् ।
सम्बन्धित समाचार
शीर्षकहर
थप
