माओवादीले जित्दा मात्र संघीयता, लोकतन्त्र, गणतन्त्रको रक्षा हुनेछ: प्रचण्ड
काठमाडौँ, १० चैत । नेकपा माओवादी केन्द्रका अध्यक्ष पुष्पकमल दाहाल प्रचण्ड बिहीबार बिहानैदेखि चितवनमा पुगेर उनले सडक र पुल उद्घाटन गरेका छन् ।
चेपाङ समुदायको नमुना बस्तीको समेत उदघाटन गरेका प्रचण्डले त्यहाँका शहीद परिवारसँग भेटघाट समेत गरे । उनीहरुसँगै खाना उनले माडीका स्थानीय जनप्रतिनिधिलाई धन्यावाद समेत दिए ।
माडी माओवादीले जितेको पालिका हो । त्यहाँका जनप्रतिनिधि लालमाडी बनाउन लागेको भन्दै शुभकानासमेत दिए । ‘तपाईंहरु लाल माडी निर्माणको अभियानमा जुट्नु भएको छ,’ उनले भने, ‘त्यसको सफलताको शुभकामना व्यक्त गर्दछु। पार्टी नेतृत्व र जनप्रतिनिधिको हैसियतले म तपाईंहरुको साथमा हुनेछु।’
प्रचण्डले माओवादीका लागि निर्वाचन सामान्य चुनाव मात्रै नरहेको बताए। ‘निर्वाचन आउँछ जान्छ, जित र हार हुन्छ तर हाम्रो लागी यो निर्वाचन सामान्य चुनाव मात्र होइन,’ उनको भनाइ छ, ‘माओवादीले जित्दा मात्र संघीयता, लोकतन्त्र, गणतन्त्रको रक्षा हुनेछ।’
सम्बन्धित समाचार
शीर्षकहर
थप
