पछिल्लो २४ घण्टामा थप १८३१ जनामा कोरोना संक्रमण, २० को मृत्यु
काठमाडौँ, २७ असार । पछिल्लो २४ घण्टामा थप १ हजार ८ सय ३१ जनामा कोरोना भाइरस संक्रमण पुष्टि भएको छ ।
देशभर ५ हजार ५ सय ३५ पीसीआर परीक्षणमा १ हजार २ सय ३७ जना र ३ हजार ६ सय ८३ एन्टिजेन परीक्षणमा ५ सय ९४ गरी १ हजार ८ सय ३१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
पछिल्लो २४ घण्टामा काठमाडौँ उपत्यकामा ३९१ जना संक्रमित भेटिएका छन् । जसमध्ये काठमाडौँ जिल्लामा २६३, भक्तपुरमा ३१ र ललितपुरमा ९७ जना भेटिएका छन् ।
पछिल्लो २४ घण्टामा संक्रमणमुक्त हुनेको संख्या १५३३ रहेको छ र मृत्यु हुनेको संख्या २० रहेको छ ।
सम्बन्धित समाचार
शीर्षकहर
थप
