भारतमा २४ घण्टामा थप ३९०० सय भन्दा बढीको मृत्यु
एजेन्सी, २३ वैशाख। भारतको केन्द्रीय स्वास्थ्य मन्त्रालयका अनुसार बुधबार भारतमा पछिल्लो २४ घण्टामा हालसम्मकै बढी कोरोना संक्रमित फेला परेका छन् ।
पछिल्लो २४ घण्टामा ३ हजार ९८० जना संक्रमितको मृत्यु भएको छ भने ४ लाख १२ हजार ६ सय १८ जनामा कोरोना भाइरसको संक्रमण पुष्टि भएको जनाएको छ ।
त्यहाँका केन्द्रीय स्वास्थ्य मन्त्रालयका अनुसार १२ राज्यमा एक लाख बढी, सात राज्यमा ५० हजार बढी र १७ राज्यमा ५० हजार भन्दा कम कोरोनाका सक्रिय संक्रमितहरु रहेका छन् ।
साथै, २४ वटा राज्यहरुमा १५ प्रतिशत भन्दा बढी कोरोनाको पोजेटिभिटी रेट रहेको छ । भारतमा हरेक दिन २.४ प्रतिशत संक्रमितहरु बढिरहेको मन्त्रालयले जनाएको छ ।
भारतको महाराष्ट्रमा ५७ हजार भन्दा बढी नयाँ कोरोना संक्रमितहरु थपिएका छन् । पछिल्लो २४ घण्टामा महाराष्ट्रमा थप ९ सय २० संक्रमितको मृत्यु भएका छन् ।
जसमध्ये पनि सबै भन्दा बढी मुम्बईमा कोरोना संक्रमित फेला परेका छन् । मुम्बईमा मात्रै ७७ संक्रमितको मृत्यु भएको छ । महाराष्ट्रको नागपुरमा पनि पछिल्लो २४ घण्टामा थप ८७ जना संक्रमितको मृत्यु भएको छ ।
भारतको केन्द्रीय राजधानी दिल्लीमा पछिल्लो २४ घण्टामा २० हजार ९ सय ६० जना नयाँ संक्रमित थपिएका छन् । ३ सय ११ संक्रमितहरुको मृत्यु भएका छन् । दिल्लीमा संक्रमित दर २६ प्रतिशत रहेको स्वास्थ्य मन्त्रालयले जनाएको छ ।
दिल्लीमा हालसम्म कोरोनाका कारण १८ हजार बढीको मृत्यु भइसकेको छ । हाल दिल्लीका अस्पतालहरुमा अक्सिजनको चरम अभाव रहेको बताएको छ ।
सम्बन्धित समाचार
शीर्षकहर
थप
