ओलीले बोलाएको संसदीय दलको बैठकमा सहभागी हुनुपर्छ : योगेश भट्टराई

काठमाडौँ, १३ चैत। नेकपा एमालेको संसदीय दलको आजको बैठकमा माधव नेपाल पक्षका सांसदहरू पनि सहभागी हुने बताएका छन् ।

प्रधानमन्त्री निवास बालुवाटारमा बस्ने बैठकमा नजाने भने पनि दलको बैठक लगातार बहिष्कार गर्नु राम्रो नहुने केही नेताले बताए।

पूर्वमन्त्री योगेश भट्टराईले दलको बैठकमा जाने नेपाल प्रेसलाई बताए । माधव नेपाल, झलनाथ खनाल लगायताका नेताहरूको सहभागिताबारे भने अहिले केहीबेरमा बस्ने केन्द्रीय सदस्यहरूको बैठकपछि तय हुने बताएको छ ।

माधव नेपाल पक्षधर केन्द्रीय सदस्यहरूको बैठक कलंकीस्थित मेगा पार्टी प्यालेसमा बस्दैछ । यस बैठकले थप रणनीति तय गर्ने र दलको बैठकमा जाने वा नजाने टुंगो लगाउने केन्द्रीय सदस्य तथा सांसद झपट रावलले जानकारी दिए ।

बुधबार साँझ माधव नेपाल पक्षधर केन्द्रीय सदस्यहरूको अलग्गै भेला भएको थियो । उक्त भेलाले बैठकमा जाने हो भने सबै नेतासहित जानुपर्ने निष्कर्ष निकालेको थियो ।

सम्बन्धित समाचार शीर्षकहर थप

मधेस प्रदेशको शैक्षिक सुधारका लागि सरकार गम्भीरताका साथ लागिपरेको शिक्षा मन्त्रीको दाबी

गगन थापाले गराए सभापति पदमा उम्मेदवारी दर्ता

हिमपहिरोको जोखिम न्यूनीकरणको काम भइरहेको प्रधानमन्त्री शाहको दाबी

छुटे पूर्व प्रधानन्यायाधीश चोलेन्द्रशमशेर राणा

लगातार झरीले दर्जनौँ जिल्लामा आकस्मिक बाढीको जोखिम

तीन करोड नेपालीका ६ करोड हात परिचालन गरेर देश बनाउँछु: हर्क साम्पाङ