भारतमा कोरोना संक्रमणका कारण १ लाख ६० हजार भन्दा बढीको मृत्यु
एजेन्सी, १० चैत। भारतमा पछिल्लो २४ घण्टामा कोरोना संक्रमणबाट १ सय ९९ जनाको मृत्यु भएपछि भएको जनाएको छ ।
योसँगै भारतमा कूल मृतकको सङ्ख्या एक लाख ६० हजार १६६ पुगेको केन्द्रीय स्वास्थ्य तथा परिवार कल्याण मन्त्रालयले मंगलबार दिएको जानकारीमा उल्लेख गरीएको छ ।
त्यस समय अवधीमा भारतमा ४० हजार ७ सय १५ जना थप व्यक्तिमा कोरोना संक्रमण देखिएपछि कूल संक्रमितको सङ्ख्या एक करोड १६ लाख ८६ हजार ७ सय ९६ पुगेको मन्त्रालयले जनाएको छ ।
जस संक्रमितमध्ये तीन लाख ४५ हजार ६४६ जना अहिले पनि संक्रमित अवस्थामै रहेका छन् भने कूल एक करोड ११ लाख ८१ हजार २५३ जना संक्रमणमुक्त भएका छन् ।
भारतमा जनवरीबाट कोरोना भाइरसविरुद्धको खोप अभियान शुरु भएको थियो । उक्त समयबाट अहिल्यसम्म ४ करोड ८० लाख भन्दा बढीले खोप लगाइसकेका छन् । त्यसैगरी कोरोना परीक्षण गर्ने क्रम पनि चलिरहेको भारतीय चिकित्सा अनुसन्धान परिषदले जनाएको छ ।
परिषद्का अनुसार सोमबारसम्म भारतमा २३ करोड ५० लाख भन्दा बढी व्यक्तिको कोरोना परीक्षण गरिएको छ । सोमबार एकै दिनमा १० लाख भन्दा बढीको कोरोना परीक्षण गरिएको समाचारमा जनाइएको छ । –सिन्ह्वा
सम्बन्धित समाचार
शीर्षकहर
थप
