जसपा संसदीय दलको बैठक सिंहदरबारमा जारी
काठमाडौँ, २८ फागुन। जनता समाजवादी पार्टी (जसपा) संसदीय दलको बैठक जारी रहेको छ। जसपाको संसदीय दलको कार्यालय सिंहदरवारमा जारी बैठकले संसदीय दलको नेता चयन गर्ने भएको छ ।
संसदीय दलको बैठकमा सरकारमा जाने र सांसद रेशम चौधरी लगायत राजवन्दीहरुको रिहाईका बारेमा पनि छलफल भइरहेको एक नेताले जानकारी दिए ।
राष्ट्रिय जनता पार्टी (राजपा) र संघीय समाजवादी पार्टी एकीकरण भएपछि बनेको जसपाले हालसम्म पनि संसदीय दलको नेता चयन गर्न नसकेको अवस्थामा बैठकले नेता चयनको तयारी गरीएको जनाएको छ ।
अहिलेसम्म दलको बैठकको अध्यक्षता महन्थ ठाकुरले गर्दै आएका छन् । उनलाई नै संसदीय दलको नेता चयन गर्ने सम्भावना रहेको स्रोतको भनाइ छ । यद्यपि, दलको नेतामा अध्यक्ष उपेन्द्र यादवसहित संघीय परिषद् अध्यक्ष डा बाबुराम भट्टराई र वरिष्ठ नेता राजेन्द्र महतो समेतले दावी गर्दै आएका छन् ।
कसलाई नेता चयन गर्ने भन्नेमा विवाद भएको एक नेताले बताए । बहुमत सांसद ठाकुरको पक्षमा देखिएपनि यादव, भट्राई र महतोले दावी गर्दै आएकाले विवाद भएको हो ।
सम्बन्धित समाचार
शीर्षकहर
थप
