नेकपा ओली पक्षको जनसभा आज नारायणहिटीमा, २ लाख मानिसहरू सहभागी हुने अनुमान
काठमाडौँ, २३ माघ । नेपाल कम्युनिष्ट पार्टी (नेकपा) को ओली पक्षधरले आज बृहत् सभाको आयोजना गरीएको छ ।
‘अराजकताको अन्त्य, भौगोलिक अखण्डता, संविधानको रक्षा गर्दै विकास र समृद्धिमार्फत राजनीतिक स्थायित्वका लागि ताजा जनादेश’ भन्ने मुल नाराका साथ नारायणहिटी दरबार अगाडि आमसभा गर्न लागिएको हो।
नेकपा ओली समूहको बागमती प्रदेश सङ्गठन अध्यक्ष आनन्दप्रसाद पोखरेलले सभामा २ लाखभन्दा बढी मानिस सहभागी हुने जनाएको छ ।
सभामा काठमाडौँ उपत्यकासहित बागमती प्रदेशका १३ जिल्ला र देशभरिबाट पार्टी नेता, कार्यकर्ता समर्थक सहभागी हुने छन् । मध्याह्न १२ बजेदेखि हुने सभामा पार्टी अध्यक्ष तथा प्रधानमन्त्री केपी शर्मा ओलीसहित उपप्रधानमन्त्री ईश्वर पोखरेल, गृहमन्त्री रामबहादुर थापालगायत नेताले उक्त कार्यक्रममा सम्बोधन गर्ने भएको छ ।
सभा हुनुभन्दा अगाडि काठमाडौँ उपत्यकाका १३ स्थानबाट जुलुस निकालिने जनाइएको छ । सरकारले आगामी वैशाख १७ र २७ गते प्रतिनिधिसभा निर्वाचन घोषणा गरेको छ ।
सम्बन्धित समाचार
शीर्षकहर
थप
