बालुवाटारमा सानो गुट भेला भयो, हाम्रो आधिकारिक बैठक हो : माधव नेपाल
काठमाडौँ, ७ पुष । नेकपा वरिष्ठ नेता माधवकुमार नेपालले आफूहरुको बैठक आधिकारिक भएको बताएका छन् । मंगलबार बबरमहलमा आयोजित केन्द्रीय कमिटी बैठकमा बोल्दै नेता नेपालले बालुवाटारमा सानो गुटको भेला भएको उल्लेख गर्दै आफूहरुको भेला नै आधिकारिक रहेको बताएका हुन् ।
बालुवाटारमा प्रधानमन्त्री एवं नेकपाका अध्यक्ष केपी शर्मा ओलीले आफू पक्षका केन्द्रीय सदस्यहरुको बैठक बोलाएका थिए ।नेता नेपालले मंगलबारको बैठक स्मरणीय समते हुने बताए । उनले भने, ‘अध्यक्ष ओली सचिवालय र स्थायी कमिटीको बैठकमा उपस्थित हुनुहुन्न । तर आगामी बैठकमा उहाँहरु हुनुहुनेछ ।’
नेता नेपालले नेकपाका केन्द्रीय सदस्यहरुको वास्तविक संख्या ४४१ भएको बताउँदै आफूहरुको बैठकमा दुई तिहाइ केन्द्रीय सदस्य रहेको बताए । उनले बालुवाटार बैठकको वैधता समेत नरहने बताए । यस्तै, नेता नेपालले वरिष्ठ नेतासामू पनि न्यूनतम मर्यादा पनि नराखेको बताउँदै वरिष्ठ नेताहरुलाई पटकपटक अपमान गरेको बताए ।
उनले नेकपाको ‘कुर्सी विवाद’ को प्रसंग पनि उल्लेख गर्दै पार्टीका कार्यकारी अध्यक्ष पुष्पकमल दाहाललाई ओलीले पटकपटक अपमान गरेको बताए । नेता नेपालले भने,’ अध्यक्ष दाहालको अपमानको विष गज्जब गरी पिउनुहुने रहेछ । दाहाल भएको हुनाले सहज भएको हो नत्र म भएको भए कुर्सी लिएर छेउमा बस्थे भनेको थिएँ ।’
नेता नेपालले पूर्व एमाले र माओवादीको विघटन भइसकेको बताए ।
उनले निर्वाचन आयोगमा वेधताको बारेमा हल्ला फैलाएपनि त्यसमा कुने सत्यता नरहेको बताए । सचिवालय बैठक राख्दा पनि ओलीले धेरै सर्तहरु राख्ने गरेको बताए । ‘सचिवालय बैठक बस्न आग्रह गर्दा उहाँले अनेक शर्त राख्नुभयो, एजेन्डा र निर्णयको टुंगो लागेमात्रै बैठक बस्छु भन्नुभयो,’ नेता नेपालले भने,’बैठकको हलमा लगेर तेजोबध गर्ने,समस्यामा पार्ने र ठूलो कारबाही गर्ने भन्ने कुरा गर्नुभयो । उहाँको जवाफ सुन्दा अचम्म लाग्छ । ‘
सम्बन्धित समाचार
शीर्षकहर
थप
