नेता बस्नेतले प्रचण्ड गुटकाे चरित्र चार्ली चाप्लिङ्गलाई माथ खुवाउने भएको समेत आरोप लगाएका छन् । उनले लेखेका छन्- ‘केपी ओली कम्युनिष्ट पार्टीको सदस्यता लिएको १० वर्ष पछाडि राजनीतिमा लागेका प्रचण्डले पूर्व एमालेको गुटको आडमा प्रधानमन्त्रीलाई कार्बाही रे ! विश्वको सबैभन्दा ठूलो प्रहसन मंचन हुँदैछ । चार्ली चाप्लिङ्ग माथ खाने भए अब ।’

उनले आकाशतिर फर्केर थुक्दा आफ्नै मुखमा पर्ने र आउँदो चुनावपछाडि प्रचण्डकाे हैसियत हेर्ने समेत बताए । उनले लेखेका छन्- ‘आउँदो चुनावपछाडि प्रचण्डको हैसियत हेरौंला । कारबाही खाने कुकर्म गरेका मित्रहरु हेर्दै जानुहोला, अनि कार्बाही कसले कसलाई गर्छ समयले बताउने छ । आकाश तिर फर्केर थुक्दै छौँ, थुक तिम्रै मुखमा पर्नेछ । तिम्रा कथित स्थायी र केन्द्रिय कमिटी रोपि गुटको निर्णय आम नेकपाको नेता कार्यकर्ताले धोती लगाइदिनेछन् ।

प्रचण्डलाई नेकपाको नेता कार्यकर्ताले धोती लगाइदिनेछन् : महेश बस्नेत

२०७७ पौष ०६ गते १:२७

काठमाडाैं, ६ पुष । सत्तारुढ नेपाल कम्युनिस्ट पार्टी (नेकपा)का नेता महेश बस्नेतले अध्यक्ष पुष्प कमल दाहाल प्रचण्ड गुटले प्रधानमन्त्री केपी शर्मा ओलीमाथि षड्यन्त्र गरेको आरोप लगाएका छन् ।

आइतबार बसेको नेकपा स्थायी कमिटी बैठकले प्रधानमन्त्री तथा पार्टी ओलीमाथि अनुशासनको कारबाहीका लागि केन्द्रीय समितिमा प्रस्ताव लैजाने निर्णय गरेको थियो । उक्त निर्णयप्रति नेता बस्नेतले आपत्ति जनाएका हुन् ।

सामाजिक सञ्जालमा नेता बस्नेतले लेखेका छन्- ‘घरमा पाउना लाग्न आएका व्यक्तिले छोरा-छोरी मध्यको लोभी-पापी छोराको आड लिएर घरको ढुकुटी चोरेर, कब्जा गर्न खोज्दा सावधानी गरेबापत घरमुलीलाई घरबाट निकालेको जास्तै नौटंकी हो यो, कथित स्थायी कमिटीरुपि प्रचण्ड गुटको षड्यन्त्र ।’