कांग्रेसले बोलायो आकस्मिक पदाधिकारी बैठक
काठमाडाैं, ३० मंसिर । प्रमुख प्रतिपक्षी दल नेपाली कांग्रेसले पदाधिकारी बैठक बोलाएको छ। बैठक बुधबार दिउँसो १ बजे देउवा निवासमा बस्ने मुख्यसचिव कृष्णप्रसाद पौडेलले जानकारी दिए।
‘उक्त बैठकमा अध्यादेशपछिको अवस्थाबारे छलफल हुनेछ’, उनले भने। उक्त बैठकमा पदाधिकारी र पूर्वपदाधिकारी सहभागी हुनेछ।
कोरम नपुगेर पटक-पटक संवैधानिक परिषद् बैठक स्थगित भएपछि सरकारले मंगलबार राष्ट्रपतिसमक्ष संवैधानिक परिषद्सम्बन्धी अध्यादेश जारी गर्न सिफारिस गरेको थियो। लगत्तै राष्ट्रपतिले अध्यादेश जारी गरेकी थिइन्।
उक्त अध्यादेशमा परिषद् बैठकका लागि गणपुरक संख्या ३ जनामात्र भए पनि हुने उल्लेख छ। यसअघि बैठक बस्नको लागि परिषद् अध्यक्ष र कम्तिमा चार जना उपस्थित हुनुपर्ने प्रावधान थियो।
मंगलबार बिहान बसेको परिषद् बैठकमा अध्यादेश जारी मान्य नहुने देउवाले बताएका थिए। उक्त अध्यादेश जारी भएसँगै चौतर्फी विरोध भइरहेको छ।
सम्बन्धित समाचार
शीर्षकहर
थप
