काठमाडौं, १६ मंसिर । रौतहटका एक युवकको चक्कु प्रहारबाट ज्यान गएको छ।
चक्कु प्रहारबाट घाइते भएका रौतहट वृन्दावन नगरपालिका वडा नम्बर ३ का १८ वर्षीय नन्दकिशोर रामको उपचारको क्रममा गए राति ज्यान गएको बताइएको छ ।
प्रहरीका अनुसार उनलाई उनका छिमेकी १९ वर्षिय रवि रामले चक्कु प्रहार गरेका थिए। सोमबार बेलुकी भान्छाको चक्कु लगेर रविले नन्दकिशोरको पेटमा प्रहार गरी गम्भीर घाइते बनाएको जनाइएको छ ।

गए राति नै प्रहरीले चक्कु प्रहार गर्ने रविलाई नियन्त्रणमा लिएको थियो। एपोलो अस्पताल चन्द्रपुरमा उपचार गर्न लगिएको घाइते नन्दकिशोरको गए राति नै मृत्यु भएको जिल्ला प्रहरी कार्यालय रौतहटले जानकारी दिएको छ।




