प्रधानमन्त्री र रअ प्रमुख गोयलको भेट : मैत्रीपूर्ण सम्बन्ध बिग्रन नदिने प्रतिबद्धता
काठमाडौं, ६ कात्तिक । भारतीय गुप्तचर संस्था रिसर्च एण्ड एनालाइसिस विङ (रअ) का प्रमुख सामन्तकुमार गोयलले प्रधानमन्त्री केपी शर्मा ओलीसँग शिष्टाचार भेट गरिएको प्रधानमन्त्रीका सचिवालयले जानकारी दिनु भयने ।
प्रधानमन्त्रीका प्रेस संयोजक सुर्य थापाले बिहीबार दिउँसो प्रम ओलीलाई भेट्न गोयल बुधबार बेलुका बालूवाटार आएको भन्दै भेटमा गोयलले नेपाल–भारतबीचको मैत्री सम्बन्ध खलबलिन नदिने, समस्याहरूको वार्ताद्वारा समाधान गर्ने र पारस्परिक सहयोगलाई निरन्तर अगाडि बढाउने बिषयमा आफ्नो धारणा व्याक्त गरेको जनाएको छ।
‘भारतीय गुप्तचर संस्था रिसर्च एण्ड एनालाइसिस विङ (रअ) का प्रमुख सामन्तकुमार गोयलले सम्माननीय प्रधानमन्त्री केपी शर्मा ओलीसँग शिष्टाचार भेट गर्नुभएको छ’, थापाले भनेका छन्, ‘उहाँ भेटका लागि बुधबार बेलुका प्रधानमन्त्रीको सरकारी निवास बालुवाटार आउनुभएको थियो । भेटका क्रममा उहाँले नेपाल–भारतबीचको मैत्री सम्बन्ध खलबलिन नदिने, समस्याहरूको वार्ताद्वारा समाधान गर्ने र पारस्परिक सहयोगलाई निरन्तर अगाडि बढाउने बिषयमा आफ्नो धारणा व्याक्त गर्नु भयो ।’
सम्बन्धित समाचार
शीर्षकहर
थप
