काठमाडौं, २७ असोज । सरकारले कात्तिक मसान्तसम्म अन्तर्राष्ट्रिय सीमा नाका बन्द नै गर्ने निर्णय लिएको छ ।
सोमबार बसेको मन्त्रिपरिषद् बैठकले कोरोना भाइरसको संक्रमण रोकथामको सो निर्णय गरेको जनाएको छ । संक्रमण तीव्र गतिमा बढिरहेकोले अन्तराष्ट्रिय सीमा नाका थप एक महिना बन्द गर्ने निर्णय गरेको जनाइएको छ ।

सरकारले यसअघि नेपालसँग सीमा जोडिएका अन्तर्राष्ट्रिय सीमा नाका असोज मसान्तसम्म बन्द गर्ने निर्णय गरेको थियो ।




