काठमाडौं, १६ असोज । नेपालमा पछिल्लो २४ घण्टामा एकै दिन हालसम्मकै बढी २७ सय २२ जनामा कोरोना भाइरस संक्रमण पुष्टि भएको छ । योसँगै नेपालमा कोरोना संक्रमितको संख्या ८२ हजार ४५० पुगेको छ ।
स्वास्थ्य मन्त्रालयका प्रवक्ता डा जागेश्वर गौतमले १४ हजार ७३९ जनाको पिसिआर परिक्षणमा २७२२ जनालाई संक्रमण देखिएको जानकारी दिएका छन् ।

२४ घण्टामा ३ हजार ३०७ जना डिस्चार्ज भएका छन् । डिस्चार्ज हुनेको संख्या ६० हजार १९६ पुगेको छ । देशभर २१ हजार २३४ जना सक्रिय संक्रमित छन् ।




