आज गाईजात्रा पर्व मनाइँदै
काठमाडौं, २० साउन । गाईजात्राका अवसरमा आज काठमाडौं उपत्यकामा सार्वजनिक बिदा दिइएको छ । भाद्र कृष्ण प्रतिपदादेखि अष्टमीसम्म आठ दिन मनाइने परम्परागत सांस्कृतिक पर्व ‘गाईजात्रा’ आज विभिन्न कार्यक्रम आयोजना गरी मनाइदैछ ।
काठमाडौं, ललितपुर, भक्तपुरका साथै काभ्रे, मकवानपुर, सिन्धुपाल्चोकलगायतका जिल्लाहरुमा धुमधामले मनाइने गाईजात्रा पर्व कोरोना भाइरसको संक्रमणको कारण यस वर्ष भने धेरै भिडभाड बनाउन नपाइने भएको छ । सरकारले संक्रमणको खतरालाई मध्यनज गर्दै भिड नबनाउन अपिल गरेको छ ।
गाईजात्राका दिन एक वर्षभित्र दिवंगत भएका आफन्तको सम्झनामा गाई वा मानिसलाई गाईका रूपमा सिंगारी आ–आफ्ना क्षेत्रमा परिक्रमा गराउने र उनीहरूलाई श्रद्धालुद्वारा दूध, फलफूल, रोटी, चिउरा, दहीका साथै अन्न र द्रव्य दान गरिन्छ । यसरी परिक्रमा गर्नाले वर्षभरि मृत्यु भएका व्यक्तिहरू गाईको पुच्छर समाई वैतरणी पार हुन्छन् भन्ने धार्मिक विश्वास छ ।
सम्बन्धित समाचार
शीर्षकहर
थप
