गुल्मीमा पहिरो खस्दा एकै परिवारका ४ जनाको गयो ज्यान
गुल्मी, १७ साउन । गुल्मीमा अविरल वर्षाको कारण घरमाथि ढुंगा खस्दा एकै परिवारका चार जनाको ज्यान गएको छ ।
गुल्मीको रुरुक्षेत्र गाउँपालिका वडा नम्बर–५ टाहाटिम आटीपाटामा शुक्रबार राति करिब साढे सात बजे घरमाथि ढुंगा खसेर ज्यान गुमाएकाहरु ३० वर्षकी बिना बोटेमाझी, उनका छोराहरु ९ वर्षका सागर, ७ वर्षका हेमन्त र १० महिनाकी छोरी बिनिता रहेका छन् । उनीहरुको घटनास्थलमै मृत्यु भएको जनाइएको छ।
मृतक परिवारमा पाँच जना रहेकोमा एक जना भने रोजगारीको सिलसिलामा भारतमा रहेको बताइएको छ । स्थानीय र प्रहरी मिलेर शव राति नै निकालेका थिए ।
सोही स्थानमै अन्य केही घर जोखिममा रहेको जनाइएको छ ।
सम्बन्धित समाचार
शीर्षकहर
थप
