पर्सामा सांसदसहित थप ६४ जनामा कोरोना संक्रमण पुष्टि
वीरगञ्ज, १७ साउन । पर्सामा सांसद प्रदीप यादव, उनका चालक, पिएसओसहित थप ६४ जनामा कोरोना संक्रमणको
पुष्टि भएको छ । नारायणी अस्पतालको पिसिआर प्रयोगशालामा गरिएका परीक्षणहरुको नतिजा शुक्रबार राति सार्वजनिक गरिएको हो ।
संक्रमण पुष्टि भएका मध्ये एक पर्सा निर्वाचन क्षेत्र नं. १ का प्रतिनिधिसभा सदस्य (सांसद ) प्रदीप यादव , सांसद् यादवका निजि ड्राइभर र पीएसओ समेत रहेका छन् ।
यादव घरमा नै आईसोलेसनमा बसेका छन् । उनमा कुनै प्रकारका लक्षण नरहेको जनाइएको छ। त्यस्तै संक्रमण पुष्टि हुनेमा नारायणी अस्पतालकै एक डाक्टर र एक जना पारामेडिक स्टाफ रहेको नारायणी अस्पतालले जनाएको छ ।
संक्रमित हुनेमा १५ देखि ६८ वर्ष उमेर समूहका ३ महिला र ६१ पुरुष गरी ६४ जना रहेको बताइएको छ ।
सम्बन्धित समाचार
शीर्षकहर
थप
