लाखौँको सङ्ख्यामा भित्रिएको सलह भगाउन टिन र थाल ठटाउँदै पनि नभागेपछि किसान थप चिन्तित
प्युठान, असार ३० । पाकिस्तानबाट भारत हुँदै नेपाल प्रवेश गरेको सलह प्युठानका गाउँगाउँमा फेरि सलह भित्रिएको छ । सोमबार बिहानदेखि जिल्लाका प्रायः सबैजसो क्षेत्रमा फैलिएको सलह मकैबालीमा छिरेको छ । किसानले टिन र थाल ठटाउँदै सलह भगाउन थालेका छन् ।
किसानले धुवाँ बाल्ने, टिन, थाल, जर्किनलगायतका स्थानीय सामग्री ठटाउँदै सलह भगाउन खोज्दा पनि नभागेपछि किसान थप चिन्तित बनेका छन् । लाखौँको सङ्ख्यामा भएकाले भगाउन नसकिएको प्युठान नगरपालिका–१ का कृषक भोजबहादुर बस्नेतले बताएका छन् ।
उनका अनुसार सलहले धान, मकै, तरकारी बालीमा नोक्सान पु¥याइरहेको छ । “बालीभरि ढाक्ने गरी सलह बसेको छ”, कृषक बस्नेतले भने, “हाम्रो केही उपाय लागेन ।” प्युठान नगरपालिकाका १० वडामा सलह फैलिएको छ ।
सम्बन्धित समाचार
शीर्षकहर
थप
