भारतमा प्रत्येक घण्टामा हजार बढी कोरोनाको नयाँ संक्रमण पुष्टि, २४ घण्टामा २४ हजार ८ सय ५०
एजेन्सी, २१ असार । हरेक दिन भारतमा कोरोना संक्रमणको नयाँ रेकर्ड बन्न लागेको छ ।
आइतबार बिहान सार्वजनिक गरिएको सरकारी तथ्यांक अनुसार गत २४ घण्टामा देशमा कोरोना संक्रमणको २४ हजार ८ सय ५० नयाँ घटनाहरू रिपोर्ट गरिएको छ।
अहिलेसम्म देशमा संक्रमित कोरोनाको संख्या ६ लाख ७३ हजार एक सय ६५ पुगेको छ । त्यस्तै २ लाख ४४ हजार ८ सय १४ सक्रिय केसहरू छन् , भने ४ लाख ९ हजार ८२ मानिस संक्रमित भएपछि घर फर्किएका छन् ।
पछिल्लो २४ घण्टामा ६ सय १३ व्यक्तिहरू कोरोना महामारीको कारणले मरेका छन्। महामारीले भारतमा हालसम्म १९ हजार ६ सय २८ व्यक्ति मारिसकेको छ।
सम्बन्धित समाचार
शीर्षकहर
थप
