१५ वर्षमै विवाह एउटासंग गर्भ अर्कैको, तीन महिनाकी गर्भवतीले बनाइन् गाउँनै तनाव
सप्तरी, ८ असार । सप्तरीमा १५ वर्षीया बालिका गभर्वती भएपिछ बलात्कार गरेको आरोपमा २५ वर्षीयलाई नियन्तत्रमा लिएको छ । तर बालिकाले भने अरुले सिकाएपछि फरक फरक बयान दिँदै आएकी बताइएको छ।
यसअघि गाउँमा भएको पञ्चेती (छलफल) ले गर्भवती बालिकाको विवाह वैशाख २८ गते गाउँकै १८ वर्षीय बालकसँग गरिदिएको थियो। उतिबेला गाउँमा भएको पञ्चेतीमा बालिकाले एउटाको गर्भ रहेको बताएको थियो । अहिले फेरि लालबहादुरको गर्भ भन्दै उजुरी दिएको जनाइएको छ । यसरी कुरो फेरेपछि गाउँभरि तनाव बढेको छ ।
सप्तरीको तिलाठी कोइलाडी गाउँपालिका–३ सकरपुराका २५ वर्षीय लालबहादुर मुखियालाई बलात्कारको अभियोगमा पक्राउ परेका छन् । तीन महिनाकी गर्भवती पीडितले आरोपितको बलात्कारबाट गर्भ रहेको भन्दै जिल्ला प्रहरी कार्यालयमा गत मङ्गलबार दिएको उजुरी दर्ता गरी आरोपितलाई पक्राउ गरिएको जिल्ला प्रहरी कार्यालय, सप्तरीले जनाएको छ ।
बालिकाले गाईबस्तुका लागि घाँस काट्न खोलाको चौरीतिर गएको बेला एक्लै भएको मौका पारी लालबहादुरले भुइँमा लडाई बलात्कार गरेको र उनकै गर्भ रहेको बताएपछि कारवाही अगाडि बढाइएको जिल्ला प्रहरी कार्यालय, सप्तरीका प्रहरी नायब उपरीक्षक तिलक भारतीले बताउनुभयो ।
विवाहित लालबहादुर एक छोरा र एक छोरीका बुबा हुन् । पीडितको राजविराजस्थित गजेन्द्रनारायण सिंह अस्पतालमा स्वास्थ्य परीक्षण तथा भिडिओ एक्सरे गरिएको छ ।
सम्बन्धित समाचार
शीर्षकहर 
