प्रदेश १ मा आज मंगलबार थप ११ जना कोरोना संक्रमित
विराटनगर, ६ जेठ । प्रदेश १ मा आज मंगलबार ११ जना कोरोना भाइरस संक्रमित थपिएका छन् ।
कोशी अस्पताका अनुसार झापाको केचनकवल गाउँपालिका ९ र सुनसरीका २ जनामा कोरोना संक्रमण पुष्टि भएको हो । झापाको कोशी अस्पताल विराटनगरकै प्रयोगशालामा पीसीआर परीक्षण गर्दा कोरोना पोजेटिभ देखिएको जनाइएको छ।
त्यस्तै विपी कोइराला स्वास्थ्य विज्ञान प्रतिष्ठान धरानमा गरिएको परीक्षणमा सुनसरीका दुईजनामा कोरोना पोजेटिभ देखिएको छ ।
झापाको संक्रमण भएका युवकको टोलका ३३ जनाको कोशी अस्पतालमा परीक्षण गर्दा थप ९ जनामा पोजेटिभ देखिएको हो ।
कोरोना पोजेटिभ देखिनेमा इटहरीका १८ वर्षका युवक र अर्का व्यक्ति सशस्त्र प्रहरी कर्मचारी हुन् ।
हालसम्म योसँगै सुनसरीमा मात्र कोरोना संक्रमितको संख्या तीन पुगेको छ भने झापामा कोरोना संक्रमितको संख्या १२ पुगेको छ ।
अहिलेसम्म प्रदेश १ मा संक्रमितको संख्या ५४ पुगेको छ ।
सम्बन्धित समाचार
शीर्षकहर 
