जापानमा एक कोरोना संक्रमितले उपचारका लागि ८० वटा अस्पताल फन्को लगाउनुपर्यो
एजेन्सी, वैशाख ८। जापानमा कोरोनाभाइरसको लक्षण देखिएपछि उपचारका लागि एक जना बिरामीले ८० वटा अस्पतालमा फन्को लगाउनुपरेको खबर बाहिर आएको छ ।
पहिलो चरणमा भाइरसको संक्रमण रोक्न तथा नियन्त्रणमा लिन सफल भएको जापानमा शनिबारसम्म दश हजार कोरोनाभाइरस संक्रमितको पुष्टि भएको छ ।
अधिकारीहरुका अनुसार कोरोनाभाइरस संक्रमणको अतिरिक्त चापले जटिल स्वास्थ्य स्थिति रहेका बिरामीको उपचार आकस्मिक सेवामा पनि सम्भव हुन सकेको छैन् ।
राजधानी टोक्यो सबैभन्दा बढी प्रभावित छन् । करिब दुईसय संक्रमितको मृत्यु भइसकेको छ । चिकित्सकहरुको समूहले अस्पताललाई सघाउन र चाप कम गर्न सम्भावित संक्रमितहरुको उपचार टोक्योस्थित जीपी सर्जरी नामक एक औषधालय अगाडि नै गर्न सुरु गरेको छ ।
जापानका चिकित्सकहरुले कोरोनाभाइरस संक्रमणको नयाँ बिरामीहरुको संख्या तिब्र रुपमा वृद्धि हुँदै जाँदा देशको चिकित्सकीय पद्धती ध्वस्त हुने जोखिम बढेको चेताबनी दिएका छन् ।
सम्बन्धित समाचार
शीर्षकहर
थप
