बागलुङकी ६५ वर्षीया मनकुमारी पनि कोरोना मुक्त, १६ दिनपछि घर फर्किइन्
काठमाडौं, ७ बैशाख । कोरोना भाइरसबाट संक्रमित बागलुङकी ६५ वर्षीयामनकुमारी पौडेल कोरोना अस्पतालबाट डिस्चार्ज भएकी छन् ।
धौलागिरि अञ्चल अस्पताल बागलुङको आइसुलेसनमा उपचाररत पौडेलको तेस्रो र चौथो स्वाब परीक्षणमा पनि कोरोना संक्रमण नखिएपछि अस्पतालबाट डिस्चार्ज भएकी हुन् ।
छोरीलाई भेट्नका लागि बेल्जियम गएर फर्कदा उनलाई भाइरस संक्रमण भएको पुष्टी भएको थियो । अस्पतालका डाक्टरहरुको सल्लाह अनुसार व्यवहार गरेकाले जित्न सहज भएको उनी बताउँछिन् ।
१६ दिनसम्म अस्पतालको आइसुलेसनमा बसेर उपचार गर्दा प्रयाप्त मात्रामा पानी पिएको र अस्पतालले दिने खाना, खाजा तथा अन्य औषधिहरु नियमित रुपमा सेवन गरेको पौडेलले बताइन् ।
नेपालमा हालसम्म ३१ जना कोरोना संक्रमित पुगेका छन् । जसमध्य हिजो मात्र दुई जना निको भएर घर फर्किएका छन् भने केही समय अगाडि एक जना कोरोना मुक्त भएको थियो ।
सम्बन्धित समाचार
शीर्षकहर
थप
