भारतबाट नेपाल फर्केका दुई नेपालीमा कोरोना भाइरस पोजेटिभ देखियो
राजविराज, ३ वैशाख । भारतबाट नेपाल फर्केका दुई जना नेपालीमा कोरोना भाइरस पोजेटिभ देखिएको छ । र्यापिड डायग्नोष्टिक टेष्ट (आरडिटी) किटबाट कोरोना भाइरस परीक्षण गर्दा पोजेटिभ देखिएको जनाइएको छ ।
राजविराजस्थित गजेन्द्रनारायण सिंह अस्पतालमा मङ्गलबार राति द्रुत परीक्षण किटबाट कोरोना परीक्षण गर्दा दुई जनाको रिपोर्ट पोजेटिभ आएको बताइएको छ ।
तब्लिगी जमातद्वारा आयोजित सभाबाट आएका खडग नगरपालिकाका तीन, सुरुङ्गा नगरपालिका, अग्निसाइर कृष्ण सवरण, विष्णुपुर र तिलाठी कोइलाडी गाउँपालिकाका एक÷एक गरी सात जनाको द्रुत परीक्षण गरिएको अस्पतालका प्रमुख मेडिकल सुपरिटेन्डेण्ट डा चुमनलाल दासले बताए ।
तीमध्ये खडग नगरपालिका र तिलाठी कोइलाडी गाउँपालिकाका एकरएक जनाको रिपोर्ट पोजेटिभ आएको अस्पतालले जनाएको छ ।उनीहरुले दिल्लीको निजामुद्दीन मरकजमा सहभागी भएर फर्किएको ३२ दिन बितेको बताए पनि स्थानीयवासी भने चैत ११ गते घर फर्किएको बताउँछन् ।
सम्बन्धित समाचार
शीर्षकहर
थप
