विद्यार्थीलाई घर भाडामा ५० प्रतिशत छुट, निःशुल्क इन्टरनेट लगायतको व्यवस्था मिलाउन नेविसंघको माग
काठमाडौं, १० चैत। नेपाली काँग्रेसको भ्रातृ संगठन नेपाल विद्यार्थी संघ (नेविसंघ)ले काठमाडौं उपत्यकामा रहेका विद्यार्थीले घर भाडामा ५० प्रतिशत छुट पाउनुपर्ने भन्दै एक विज्ञप्ती जारी गरेकाे छ ।
नेविसंघले उपत्यकामा भाडामा बस्ने विद्यार्थीलाई कोरोना भाइरसले निम्त्याएको संकटको अवधिभर ५० प्रतिशत छुटको व्यवस्था मिलाउन आइतबार एक विज्ञप्ति जारी गर्दै यस विषयमा सरकार र सरोकारवालाहरुको ध्यानाकर्षण गराएको हो । यस्तै उपत्यका बाहिर घर भएका र घर जान इच्छुक विद्यार्थीलाई निःशुल्क घर जाने व्यवस्था गर्न नेविसंघले सरकारसंग माग गरेकाे छ ।
यस्तै इन्टरनेट सेवा प्रदायकहरुलाई सहुलियत वा कर छुट दिएर कोरोनाको संकट अवधिभर इन्टरनेट सेवा निःशुल्क उपलब्ध गराउनकाेसाथै अत्यावश्यक उपभोग्य बस्तुको कृतिम अभाव, महंगी र कालोबजारीको प्रभावकारी अनुगमन र नियन्त्रण गर्न नेविसंघले आग्रह गरेको छ ।
सम्बन्धित समाचार
शीर्षकहर
थप
