कोरोना भाइरस सङ्क्रमितका लागि काठमाडौं उपत्यकामा तीन अस्पताल छुट्याइएको छ : मन्त्री ढकाल
काठमाडौं, ३ चैत । सरकारले कोरोना भाइरसबाट सङ्क्रमित बिरामीका लागि काठमाडौं उपत्यकामा तीन वटा अस्पताल छुट्याइएको जनाएको छ ।
सरकारले कोरोना भाइरसबाट सङ्क्रमित बिरामीको उपचारका लागि तत्काल तीनवटा छुट्टै अस्पताल तयारी गरिएको स्वास्थ्य तथा जनसंख्यामन्त्री भानुभक्त ढकालले बताउनुभएको छ । उहाँले आइतबार राष्ट्रियसभाको बैठकमा कोरोनाको सङ्क्रमण देखिए उपचारका लागि विशेष तयारी गरेको बताउनुभएको हो।
कोरोना भाइरसको सम्भावित संक्रमणलाई मध्यनजर गर्दै काठमाडौं उपत्यका भित्र १ सय २० र उपत्यका बाहिर १ सय १५ गरी २ सय ३५ वटा आइसियु व्यवस्था गर्न लागेको बताइएको छ। चीनको वुहानबाट सुरु भएको कोरोना भाइरसको संक्रमण विश्वका १२० भन्दा बढी देशमा फैलिएको छ ।
सम्बन्धित समाचार
शीर्षकहर
थप
