बलात्कारको प्रयास गरेको आरोप लागेका निवर्तमान सभामुख महराको अन्तिम सुनुवाइ सुरु
काठमाडौं, ४ फागुन। बलात्कारको प्रयास गरेको आरोप लागेका प्रतिनिधिसभाका निवर्तमान सभामुख कृष्णबहादुर महराको अन्तिम सुनुवाइ सुरु भएको छ ।
महरामाथि लागेको अभियोगबारे आइतबार अन्तिम सुनुवाइ सुरु भएको हो । जिल्ला अदालत, काठमाडौंका न्यायाधीश अमराज पौडेलको इजलासमा अन्तिम सुनुवाइ सुरु भएको छ।सम्भवतः आइतबार नै फैसला आउने बताइएकाे छ । यो भन्दा अगाडि ३ पुषमा महरालाई थुनामा राख्ने जिल्ला अदालतको आदेश उच्च अदालत पनि सदर गरेको थियो । तर, उनको मुद्दा एक महिनाभित्र किनारा लगाउन भनेको थियो ।
संसद सचिवालयकै कर्मचारीलाई बलात्कार प्रयास गरेको आरोपमा १९ असोजमा पक्राउ परेका महरालाई जिल्ला अदालत काठमाडौंले पुर्पक्षका लागि थुनामा पठाएको छ । १२ असोजको साँझ संसद् सचिवालयकी एक महिला कर्मचारीलाई बलात्कारको प्रयास गरेको आरोप लागेपछि महरालाई १८ कात्तिकमा डिल्लीबजार कारागार चलान गरिएको थियो ।
पुर्पक्षका लागि थुनामा राख्ने जिल्लाको आदेशविरुद्ध महरा ५ मंसिरमा उच्च अदालत गएका थिए ।
सम्बन्धित समाचार
शीर्षकहर
थप
