हङकङमा पनि कोरोना भाइरसबाट एक जनाको ज्यान गयाे
काठमाडौ, २१ माघ । हङकङमा कोरोना भाइरसबाट एक जनाको ज्यान गएको छ । यो चीनबाहिर भाइरसको कारणबाट ज्यान गएको यो दोस्रो घटना हो ।
केही दिन अगाडि फिलिपिन्समा १ जनाको ज्यान गएको थियो । हङकङको क्वी चुईस्थित प्रिन्सेस मार्गरेट अस्पतालमा ३९ वर्षीय पुरुषको उपचारका क्रममा निधन भएको छ ।
मंगलबार बिहान एक व्यक्तिको ज्यान गएको जनाइएको छ । कोरोनाको संक्रमणले मुटु फेल हुँदा ती व्यक्तिको ज्यान गएको चिनियाँ मिडियाले उल्लेख गरेको छ । उनी आमासँगै हङकङको वामोपा गार्डेनमा बस्दै आइरहेका थिए । उनीबाटै आमामा पनि संक्रमण सरेको पाइएको छ ।
२१ जनवरीमा हुबेई प्रान्तको वुहानमा रहेका ती व्यक्ति त्यसको दुई दिनपछि गोन्जाउ–सेन्जन–हङकङ एक्सप्रेस रेल लिंकमार्फत हङकङ फर्किएका थिए । अहिलेसम्म चीनमा ४ सय २५ जनाको ज्यान गइसकेको छ भने २० हजार ४ सय ३८ संक्रमित भएका छन् ।
सम्बन्धित समाचार
शीर्षकहर
थप
