सिडनी विश्वविद्यालयका इकोलोजिस्टहरूले अनुमान गरेअनुसार सेप्टेम्बरमा सुरु भएको उक्त विनाशकारी आगोले प्रत्यक्ष वा अप्रत्यक्ष रूपमा करिब ५० करोड स्तनपायी, चराचुरुङ्गी र सरीसृपहरूको हत्या गरेको छ ।

जंगलमा आगो निभाउने क्रममा गाडीमाथि बलिरहेको रुख खस्दा तीनजना अग्नि नियन्त्रकको गत महिना मृत्यु भएको थियो ।

आगलागीमा परेर उपचारमा रहेको आमाको मायामा समर्पित कोअलाको बच्चा

आगलागीमा परी अहिलेसम्म १८ जनाभन्दा बढीको मृत्युः

पछिल्लो २४ घण्टामा अष्ट्रेलियामा डढेलोका कारण सातजनाको मृत्यु भएको छ । आगलागीको घटनामा पछिल्लो चार महिनामा अहिलेसम्म १८ जनाभन्दा बढीको मृत्यु भएको छ भने थुप्रै हराइरहेका छन् । आगलागीपछि न्यू साउथ वेल्समा अहिलेसम्म हजार बढी घर जलेर खरानी भएका छन् । आगो दक्षिण–पूर्वी अष्ट्रेलियाका तीन लाख हेक्टर क्षेत्रमा फैलिएको छ । न्यू साउथ वेल्सका अधिकारीले शहरमा संकटकालको घोषणा समेत गरेको छ ।

गत अगस्टमा अमेजन क्षेत्रमा पनि विशाल आगलागी भएको थियो । अमेजन वर्षावन क्षेत्रलाई पृथ्वीको फोक्सो भनेर पनि चिनिन्छ । यो वन क्षेत्रले मात्रै पृथ्वीमा उत्पादन हुने कुल अक्सिजनको २०% मात्रा उत्पादन गर्ने गर्छ । यो वन विश्वको सबैभन्दा बढी जैविक विविधताले भरिएको वनको रूपमा पनि रहेको छ ।

यही अमेजन वर्षावनले क्षेत्रीय र विश्वव्यापी मौसममा महत्त्वपूर्ण र जटिल भूमिका खेल्ने गर्छ ।

विश्वको वातावरण सुरक्षित हुन सम्पूर्ण जीवजन्तु र वनस्पतिको सहअस्तित्व अनिवार्य छ । यस्ता आगलागीका कारण कतिपय वनस्पति र जीवको अस्तित्व विनाश भएको छ, हुने गर्दछ ।

यी भयानक घटनाहरू बिग्री रहेको संसारको पर्यावरणीय अवस्थाका थप विनाशकारी घटना हुन् ।

अस्ट्रेलियाको आगलागीमा ५० करोड जनावर मरे

२०७६ पौष १८ गते ४:००

अस्ट्रेलियाको आगलागीमा सरदर ५० करोड जनावर मरेका छन् । आगलागी भएको क्षेत्र विश्वकै सबैभन्दा ठुलो रेनफरेस्ट मध्येको एक हो जुन डाइनोसरको समयदेखि अस्तित्वमा रहेको छ ।

सिड्नी विश्वविद्यालय ‘इकोलोजी’का प्राध्यापक क्रिस डिकम्यानका अनुसार केही चिज सम्भवतः सधैँका लागि लुप्त भएका छन् ।