गृहमन्त्रीको धारणालाई लिएर बन्द भएको संसद अझै खुलेन
काठमाडौं, १३ जेष्ठ । विपक्षी दलहरूको अवरोधका कारण बन्द रहेको संसद् खुलाउने प्रयास अझै सफल हुन सकेको छैन । सत्तापक्ष र विपक्षी आआफ्नो अडानमा कायम रहँदा सहमति हुन नसकेको हो ।
सत्तारूढ नेपाली कांग्रेस र नेकपा एमालेले गृहमन्त्री रमेश लेखकलाई संसद्मा आफ्नो धारणा राख्न दिनुपर्ने अडान लिएका छन् । गृहमन्त्रीमाथि लागेका आरोपबारे स्पष्ट जवाफ दिन उनलाई अवसर दिनुपर्ने उनीहरूको भनाइ छ । यता, प्रमुख प्रतिपक्षी नेकपा (माओवादी केन्द्र), राष्ट्रिय स्वतन्त्र पार्टीलगायतका विपक्षी दलहरूले गृहमन्त्रीको राजीनामा र उच्चस्तरीय छानबिन समिति गठनको मागमा अडान कायम राखेका छन् ।
भिजिट भिसाको नाममा नेपाली युवाहरूलाई करोडौँ रकम लिएर विदेश पठाउने कार्यमा गृहमन्त्री लेखकको संलग्नता रहेको आरोप विपक्षीहरूले लगाएका छन् ।
सम्बन्धित समाचार
शीर्षकहर
थप
