वस्तु तथा सेवामा भएको मूल्यवृद्धिको अनुगमन सरकारले गर्ने
काठमाडौं, असार १२ । उद्योग, वाणिज्य तथा आपूर्ति मन्त्री दिलेन्द्रप्रसाद बडूले सरकारले विभिन्न वस्तु तथा सेवामा भएको मूल्यवृद्धिको अनुगमन गर्ने बताएका छन् । प्रतिनिधि सभाको आइतबारको बैठकमा सार्वजनिक महत्वको विषयमा वक्तव्य दिँदै मन्त्री बडूले असार १२ गतेदेखि लागू हुनेगरी पेट्रोलमा प्रतिलिटर १९९ रुपैयाँ बाट २० रुपैयाँ घटाई १७९ रुपैयाँ र डिजेलमा प्रतिलिटर १९२ रूपैयाँबाट २९ रुपैयाँ घटाई १६३ रुपैयाँ मूल्य कायम गरिएको बताए । उनले पेट्रोलियम पदार्थको मूल्य घटे जस्तै अन्य वस्तु र सेवामा पनि मूल्य घट्नु आवश्यक रहेको बताए ।
उनले बजारमा विभिन्न वस्तु तथा सेवाको मूल्य घटे, नघटेको सन्दर्भमा विषयगत मन्त्रालय र नियामक निकायहरुले आ–आफ्नो क्षेत्रबाट र संयुक्त रुपमा अनुगमन गर्ने व्यवस्था मिलाइएको बताए ।
सम्बन्धित समाचार
शीर्षकहर
थप
