सिराहाको गोलबजार नगरपालिकामा एमाले विजयी
काठमाडौँ, जेठ १० । सिराहाको गोलबजार नगरपालिकाको मेयरमा श्याम श्रेष्ठ र उपमेयरमा मान्ती साह दुवै एमालेका उम्मेदवार विजयी भएका छन् । मेयरमा एमालेका श्याम श्रेष्ठ २२०७ मतान्तरले विजयी भएका हुन् ।
उनले ७९०८ मत पाएका छन् भने निकटतम प्रतिस्पर्धी निवर्तमान मेयरसमेत रहेका माओवादीका देवनाथ साहले ५७०१ मत पाए । कांग्रेसका राजदेव साह हलुवाइले ४६५९ मत ल्याए ।
उपमेयरमा पनि एमालेकै मान्ती साह २०६० मतान्तरले विजयी भएकी छिन् । उनले ७७०३ मत पाएकी छन् भने निकटतम प्रतिस्पर्धी निवर्तमान उपमेयरसमेत रहेकी माओवादीकी रेशम कुमारी थापाले ५६४३ र कांग्रेसकी शान्ती सदायले ४९६५ मत पाइन् ।
यससंगै सिराहाका १७ वटै स्थानीय तहको अन्तिम मत परिणाम सार्वजनिक भएको छ । वैशाख ३० गते गोलबजार नगरपालिका ११ मा वर्षाको कारणले करिब ४ सय मतदाताले मत खसाल्न नसक्दा जेठ ३ मा पनुस् मतदान भएकोले नतिजा आउन केही ढिला भएको हो ।
सम्बन्धित समाचार
शीर्षकहर
थप
