सामुदायिक वन उपभोक्ता महासङ्घका अध्यक्षसहित १४ जना पक्राउ
काठमाडौं, १८ माघ । प्रहरीले सामुदायिक वन उपभोक्ता महासंघका अध्यक्षसहित १४ जनालाई पक्राउ गरेको छ ।
संघीय वन नियमावलीको मस्यौदा खारेज गर्न माग गर्दै वन परिसर बबरमहलमा प्रदर्शन गरेकाहरुलाई प्रहरीले पक्राउ गरेको हो ।
सामुदायिक वन उपभोक्ता महासंघ, नेपाल (फेकोफन)ले आज नियमावलीको मस्यौदा सामुदायिक वन अधिकार विरोधी रहेको भन्दै प्रदर्शन गरेको थियो ।
फेकोफनका सचिव ठाकुर भण्डारीले आफूहरुलाई प्रहरीले नियन्त्रणमा लिएर भृकुटीमण्डपस्थित नेपाल पुलिस क्लबमा राखेको बताएका छन् ।
पक्राउ परेकाहरुमा अध्यक्ष भारती पाठक, महासचिव बिर्ख बहादुर शाही, सचिव ठाकुर भण्डारी, कोषाध्यक्ष पार्वता गौतम, सचिवालय सदस्य डोलकुमारी सापकोटा, ललितपुर जिल्ला अध्यक्ष प्रेम घिमिरे, उपाध्यक्ष केशवराज गिरी, सिन्धुपाल्चोकका सचिव दयालक्ष्मी श्रेष्ठ, ललितपुरका सहदेव न्यौपाने लगायत रहेका छन् ।
सम्बन्धित समाचार
शीर्षकहर
थप
