कुवेतमा बालुवाको ढिस्कोले पुरिएर चार नेपाली कामदारको ज्यान गयाे
काठमाडौं, ०१ फागुन । कुवेतमा चार जना नेपाली कामदारको ज्यान गएको छ। बालुवाको ढिस्कोले पुरिएर उनीहरुको ज्यान गएको जनाइएको छ ।
कुवेतको अल मुत्ला क्षेत्रमा निर्माणस्थलमा बालुवाको ढिस्को खस्दा ४ जना नेपाली कामदारको मृत्यु भएको अरब टाइम्सले जनाएको हो । अरब टाइम्सका अनुसार ३ जनाको घटनास्थलमै र एक जनाको बाहिर निकालेपछि मृत्यु भएको छ ।
मृत्यु हुने चार जनाको पहिचान खुल्न बाँकी नै बताइएको छ। चिनियाँ कम्पनीले निर्माणको जिम्मा लिएको मुत्ला सिटी प्रोजेक्टको निर्माणस्थलमा काम गरिरहँदा एक्कासि बालुवा र ढुंगा खसेको थियो ।
ढिस्कोमा पुरिएकामध्ये ६ जनाको सकुशल उद्धार गरिएको कुवेती अधिकारीले जनाएका छन् ।
सम्बन्धित समाचार
शीर्षकहर
थप
