उपत्यकामा थप १,०८९ जनामा कोरोना संक्रमण पुष्टि
काठमाडौँ, २९ साउन । पछिल्लो २४ घण्टामा काठमाडौं उपत्यकामा १,०८९ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
जसमा काठमाडौँमा ७९९, भक्तपुरमा १६२ र ललितपुरमा १२८ जनामा कोरोना संक्रमण पुष्टि भएको हो ।
यस्तै शुक्रबार देशभर ३,९१५ जनामा कोरोना भाइरस संक्रमण पुष्टि भएको छ भने २७ जनाको मृत्यु भएको छ ।
यस्तै काठमाडौँमा ८ हजार ४०७, भक्तपुरमा १ हजार ३६२ र ललितपुरमा १ हजार ८२७ जना संक्रिय संक्रमित रहेका छन् भने हालसम्म काठमाडौँमा २ हजार ४ जना, भक्तपुरमा ३९८ जना र ललितपुरमा ६१८ जनाको कोरोना संक्रमणबाट मृत्यु भइसकेको मन्त्रालयले जनाएको छ ।
सम्बन्धित समाचार
शीर्षकहर
थप
