प्रतिनिधिसभाको बैठकमा आज अर्थमन्त्री खतिवडाले चार वटा विधेयक पेश गर्दै
काठमाडौं, २१ माघ । प्रतिनिधिसभाको बैठक अजा मंगलाबार दिउँसो १ बजे बस्ने भएको छ ।
बैठकमा बिभिन्न विधेयक र विधेयकसँग सम्बन्धी प्रतिवेदनहरु पेश हुने सम्भावित कार्यसूची छ । महिला तथा सामाजिक समितिका सभापति निरुदेवी पालले ज्येष्ठ नागरिक पहिलो संशोधन विधेयक सम्बन्धी समितिको प्रतिवेदन पेश गर्ने सम्भावित कार्यसूची रहेको जनाइएको छ।
यस्तै शिक्षा तथा स्वास्थ्य समितिका सभापति जयपुरी घर्तीले पारमाणविक विधेयकसम्बन्धी समितिको प्रतिवेदन पेश गर्ने सम्भावित कार्यसूची पनि रहेको छ । अर्थमन्त्री डा.युवराज खतिवडाले आजकै बैठकमा चार वटा विधेयक पेश गर्ने तयारी पनि रहेको बताइएको छ ।
संसद सचिवालयका अनुसार सार्वजनिक ऋण व्यवस्थापन विधेयक, बैंक तथा वित्तीय संस्थासम्बन्धी पहिलो संशोधन विधेयक, नेपाल राष्ट्र बैंक तेस्रो संशोधन विधेयक र धितोपत्रसम्बन्धी पहिलो संशोधन विधेयक अर्थमन्त्री खतिवडाले पेश गर्ने सम्भावित कार्यसूची रहेको छ ।
सम्बन्धित समाचार
शीर्षकहर
थप
