ताप्लेजुङ आगलागी पीडितलाई राहत र पुनःस्थापना गर्न राष्ट्रपतिको आग्रह
काठमाडौँ, १८ फागुन। राष्ट्रपति विद्यादेवी भण्डारीले ताप्लेजुङको दोभान बजारमा आगलागीबाट भएको क्षतिप्रति दुःख व्यक्त गरेकी छन् ।
राष्ट्रपति भण्डारीले मंगलबार एक वक्तव्य जारी गर्दै आगलागी प्रभावितहरुका लागि यथाशीघ्र राहत तथा पुनर्स्थापनाको पहल गर्न सरकारसँग आग्रह समेत गरेकी छन् ।
उनले जारी गरेको वक्तव्यमा भनिएको छ, ‘ हावाहुरी र खडेरीको मौसममा हुने आगलागी जस्ता विपद्को जोखिमको न्यूनिकरण गर्न पूर्व तयारीका साथै आवश्यक सचेतनासहित सुरक्षित संरचनाको विकास गर्नुपर्ने खाँचो महसुस गरेको छु ।’
दोभान बजारमा मंगलबार आगलागी हुँदा ४९ घर जलेको प्रहरीले जनाएको छ ।
सम्बन्धित समाचार
शीर्षकहर
थप
