काठमाडौँ, २ माघ । नेपाली बजारमा सुनबजारमा उतार चढाव आइरहेको छ । मंगलबार र बुधबार ७ सयले बढेको सुन बिहीबार ८ सयले घटेको थियो । बिहीबारको तुलनामा शुक्रबार सुन ४ सयले बढेको छ । नेपाल सुन चाँदी व्यवसायी महासंघले शुक्रबारका लागि छापावाल सुनको मूल्य प्रतितोला ९२ हजार ५ सय कायम रहेको छ ।
साथै तेजाबी सुनको मूल्य पनि ४ सय रुपैयाँले बढेर ९२ हजार हुन पुगेको छ ।
यसैगरी, महासंघका अनुसार चाँदीको भाउ पनि तोलामा १५ रुपैयाँले बढेर तोलाको १ हजार २६० रुपैयाँ कायम हुन पुगेको छ ।




