भरतपुर कोभिड–१९ प्रयोगशालामा कार्यरत मेडिकल प्राविधिक आफू सुरक्षित भई काम गर्दा पनि सङ्क्रमित हुन पुगेको बताउँछन्। ‘पिपिइ सेट लगाउने, निरन्तर सरसफाइ गर्ने, प्रयोग भएका वस्तुको तत्काल र वैज्ञानिक हिसाबले निर्मलीकरण गर्ने गरिन्छ, यति गर्दा पनि सङ्क्रमित भएँ,’ डा अधिकारीले भनिन्, ‘कुनै पनि अवस्थामा कमजोरी नहोस् भनी सबै साथीहरु होसियारीका साथ काम गर्ने गरेका थियौँ।’

जिल्लामा पोजेटिभ सङ्क्रमित छ हजार ४१२ जना पुगेको छ। मृतकको सङ्ख्या १०१ पुगेको छ। छ हजार ६३ जना निको भएको स्वास्थ्य कार्यालय चितवनले जनाएको छ। भरतपुर महानगरमा मात्रै चार हजार ५८९ जना छन्। यस्तै माडीमा १३१, राप्तीमा ३११, रत्ननगरमा ७५७, खैरहनीमा ३९८, कालिका नगरमा १८८ र इच्छाकामनामा ३८ जना सङ्क्रमित देखिएका छन्।

कोरोना महामारीमा ३७ हजारको स्वाब परीक्षण गरेकी डाक्टर नितु अहिले आफैं संक्रमित

२०७७ पौष २० गते ९:२०

चितवन, २० पुष । सैँतीस हजारभन्दा बढी स्वाब परीक्षण गर्दा सुरक्षित रहेकी डा नितु अधिकारी हाल आएर आफैं सङ्क्रमित भएकी छन्। भरतपुर अस्पतालद्वारा गत जेठमा सञ्चालित कोभिड–१९ प्रयोगशालाको नेतृत्व गर्दै आएकी डा अधिकारी लामो समय सङ्क्रमणबाट सुरक्षित रहेकी थिइन्।

उनी गत साता सङ्क्रमित भएपछि होम आइसोलेसनमा बसिरहेकी छन्। उनीसँगै श्रीमान् र आमासमेत सङ्क्रमित भएका छन्। अधिकारीले भनिन्, ‘निकै गाह्रो हुँदो रहेछ।’ उनले टाउको, शरीर र छाती दुखेको बताइन्। उक्त प्रयोगशालामा दैनिक ६ सयसम्म स्वाब परीक्षण हुने गरेको थियो। शुरुआती समयमा स्वाबको सङ्ख्या धेरै भएपछि २४ सै घण्टा काम गर्नुपरेको थियो। उक्त ल्याबमा काम गर्ने अन्य कर्मचारीलाई यसअघि नै कोरोना पुष्टि भइसकेको छ।